بيت عن قصيده

بيت عن قصيده

-----

شف ليه بهوى المختار واهله 

اليحبهم عليه روحي بكل وكت وهله

اعرفوا الحق تراهو سهيل واهله 

معالم واضحه بين البريه 

-----

بقلمي

باقة ابوذيات

ابير اظلم زمانك شمر ودلاك 
وعلى الطيبين يطلب فرع ودلاك
اليحب درب السلامه دوم ودلاك
وغيره الناقصه يدور عليه 
-------
يزين الكيف لو دافعوا عناك 
وصديج الزين للطيبات عناك
لابد يوم وينشـــــدون عناك
لوهي بخير لو تذكر رديه 
-----
اذا رايد تصون الناس عرضاك 
اخله عن حجي الشينات عرضاك
ما ينقاس طولك ضرب عرضاك
على لسانك تقيس الناس هيه 
-----
تدري بهاي احنه من زرعها
يظل عايش الطيبه من زرعها
تراهي الزلم بينه من زرعها
حبها لو سجي المعروف ميه
-----
مرني بحياتي شلون مرات
بيهن حلو وبيهن حيل مرات 
اذا مره انعسرتوا انه مرات
وكضن بالطيب يل تنشد عليه 
------
بالك لا تفكر دوم بالمال
ما ينعدل ميل الدهر بالمال
خسر من باع يوم الحشر بالمال
ربح راعي الولاية الفاطمية 
-----
شخيط كون بالدلال دربين
وحياة البشر بيها فقط دربين
ادر بيها الفرح لحظه وادر بين 
اعقل لوردت ترك المطيه 
-----
بقلمي

ابوذيات

---

تعجبني لبستي بشرف يرداي
لان لبس العواري يذل يرداي
الجذب للزلم بالتهلكه يرداي
ونجى راعي الصدك من كل بليه 
-----
صد بالعين للليهواك واجله 
وزيح من الدليل اهموم واجله
كلمن بالخلك مكتوب واجله 
وابد مما مات من غير المنيه 
------
الوادم من عكب فركاك سلها
وروحي من الحنايا الهضم سلها
بشايف حالتي لدمعتك سلها 
مثل عاشور ابد ما صار بيه 
-------
الي ما ظل صديج اليهم بلواي
وصارت من صعوبه لصعب بلواي
شتضن يمكن يطفي الواي بالواي
وانه نيران همي سرن بيه 

بقلمي

وحق ياسين

وحك ياسين والزلزله وي هود

عشنه ابين زمرة نصب ويهود

همهم بالدليل يعلى ويهود

صار وي النفس يختلج بيه 

----

على زينب نريد نصير لامات

ونسد غيبة الميت غدر لامات

لا تهتهم اذا عذال لامات

جد واكصد يبو ذات الابيه 

----

من اهل الوفه دين يريد عباس

اذا يوم الدهر بالوجه عباس

يشيعة علي ما تدرون عباس

وصاكم على بنت الزجيه 

ابو ذيه

حاير واغزل بخيطي وجاني

وشوقي لصحن ابو اليمه وجاني

شكد اذنوب متحمل وجاني 

اريده بغربتي يفزع اليه 

-------

علي بولايتة روحي شفلها

وعقد للموت يلزمها شفلها

هوايه الحايرة ومرضى شفلها

بصحن حيدر علي حامي الحميه

-----

نفخ ما فاد وي ناري والوجار

وردت واحد يواسيني ولو جار

اريد اصبر واعظ زندي ولوجار

زماني ويوحي بجلابه عليه

عبد كلي شجاها ليش يغداد

عبد كلي شجاها ليش بغداد
من دون المدن تشكي المهانه
السبب معروف ما يحتاج توضيح
حرامي البيت بالربعه مكانه 
كبل عدهم شرف ذولاك الاخوان
لاجل القاعده صار بزبانه 
وكاّلة سحت من عهد صدام 
تشلي جلابها وتأكل عشانه
-----
بقلمي

يا غريبا في البلاد

يا غريبا في بلاده هل هو حقا غريب
الغريب الذي تعني قد غدى امر عجيب
هو ذبح الله في ارض الطفوف 
هو من سار الى حيث الحتوف
هو ابن الفرقدين من على دنيا ودين
هو سبط المصطفى هو محبوبي الحسين
هو في ارض الفداء هو ساقي كربلاء
هو ذو الفضل العميم هو عباس الفداء
هل عرف منك السؤال ان سرا في النظال
ان زينب قد سمت فوق ما تسموا الجبال
------
ابو تركي البدري

جلن يا علي

جلن يا علي وما جابن النسوان
سبقت آمنة وبت اسد تبعتها
طلقت بالرسالة الاولى يا مولاي
وطلقت بالإمامة الخذت سيرتها
وخصمت بعد عقر ما تجيب الناس
وصارت فاطمه الحاضن لجيبتها
الله يعرف خلقه وينصف الميزان
ويدري بالرساله شلون غايتها
وضع عدل الكتاب العترة المختار
واجت شلة الظالم وكفت بضدها
وصار الدين جمرة والقبضها يصيح
وعهد تاخذ الزهره لاجل شيعتها
بشاره الكم يشيعة بالحشر مكتوب
صك من البشير بايد يمتها 
هناه تبرك البغلة بالسقيفه شصار
ويبين التبن من صافي حنطتها 
-----
بقلمي 
ابو تركي البدري

الغدير

نزل جبرييل يعلن بامر رب الكون
علي والي الرساله طيعوا لامره
بلغ يامحمد والامر محسوم 
اليطيع الله يطيعه ولازم ينصره
رفع جفه اعلى جفه وصاح بالحجاج
هذا ابن ابي طالب وانه ابو الزهره
من صدق جوابي وآمن بما جيت
يبايع على يمي ويئتمر بامره 
اللهم والي الوالى الكرار
وانصر يا إلاهي الينصر العتره
نصب خيمة عضيده ياخذ الميثاق
وبخبخ له عمر والناس مبتشره
لكن يا محمد تدري بيه شصار
ارتدوا صحبتك وانهانت الزهره 
كسروا ضلع الزجيه طقمة الفجار
والدار احرقوها واصبحت جمره 
وصار الصار بينه القتل والتكفير
من اولاد البغايا الما تعف مره
وما زال الذبح للبايع الكرار 
ومازالت هند بالشام متوزه 
صدق وعدك يصادق والدموم انهار
من بغداد تجري و تسجي بالبصره 
من بغداد تجري و تسجي بالبصره
------
ابو تركي البدري

عجل لاهل المروه

عجل لاهل المروه الجدم يسعه

وجنابك دوم بالمعروف يسعه 

اذا نسل الهواشم الي يسعه

احط روحي افراش اعله الوطيه

-----

تربى العين للطيبين لو جوا

مشي اتلقاك ع الرجلين لو جو

رحلتك بالقطار التجي لو جو

اصفها اجنود الك بالناصرية 

-----

بقلمي

ابوذيات نصيحه

عيط النخل من وكته تهاون

مراسيل الكبر يمنه تهاون

بالك بالفرض روحك تهاون

جبرها الك منجي من الاذيه

-----

عسف روحك عسف الفرس بالجام

الشد واللحم ما فاد بالجام

ربع يوسف ترى ذبوه بالجام

نجى جيف اخلص الربه الثنيه

----

دهرك بيه مواري اشكال والوان

وما ينفع معاه البجي والوان

بدن صوفرن بيه اغصون والون

وعلى حيدر بكت تالي القضيه 

كل اهل الارض منك تراها تغار

---

جم صفنه كضت وياك يا حيد
وجم جلمة وفه كالوها الشعار
ابراهيم الوطن محمي بجلال الله
ولو صارت شلع كل النواصب نار
بردا يا عراق الخير صاحت بيك
ونادت تربتك وي شيعة الكرار 
شراين الوطن من النزف ما ملت
وميزابه بغزارة يصب ليل نهار
رحمة بالعراق الناس كلها تكول
والرحمه العظيمه اظن بيها اسرار
بدم حسين مسجي من السماء للكاع
وتدري حسين دمه ملهم الثوار
ولهذا السبب كل العرب حساد
وكل اهل الارض منك تراها تغار
-----
بقلمي
ابو تركي البدري

يثوب الصبر

يثوب الصبر كلي شجرى شبلاك
اته الاسد وانه الصرت شبلاك
افركتني ابين اديك وصحت شبلاك
اطلب والطلب يسهل عليه 
-----
بحج لو شغل مشغول عناي
وانه من جيت جيتك كبل عناي
عسى يغنيني الذي اغناك عناي
عسى سالم يبو ذات الابيه 
----
موجه الى ابو علي السعيدي

الشيخة ما تجي باسناد وجداوه

الشيخه ما تجي باسناد وجداوه
انتعنه الغانمه وما نتعب المعنه
اهلنا بالحرايب يعكلون عكال
والهم بالمجالس لو حجوا رنه
اهل ناقه جحلا ودلالنا رسلان
وأهل سيف شطير بالدم محنه
----
بقلمي
ابو تركي البدري

مما راق لي

يتكىء على بعثرتي ويبتسم ...
يقدم وردته في لحظات الذبول ...
دونَهُ .. هِضاب ماجت بها الصحارى..
يتغلغل بين الغيمات التائهه ...
حتى يهطل .. رذاذ قَطرُها...
ليروي قِفار الروح ...

مما راق لي

وحق من شرى ينه

وحق من شرى دينه بسعر بدنه
النذر حجه ولجيه تصير بدنه -1
تعال اكعد مع اهل الشام بدنه
بذجر حيدر نكضي هالمسيه
-----
1- الشطر الثاني من اعمار الابل الحجة من استحقت الحمل واللجية من كانت امها على
قرب الولادة فهي ملاقية اخيها والبدنه هي الناقة التامة من العمر
------
هلا بالسوك وباهله هلاوين
تدري بروحي تحبهم هلاوين
اذا ردوا هلا نردد هلاوين
انعجن دمهم بحب حامي الحميه
-----
من مثلك يزيد الوزن حسنه
وعلى كل المحاسن زاد حسنه
خل يسمع الناصب دوم حسنه
نحب حيدر واهل بيت الزجيه
-----
تعال وياي للمرقاب واشرف
نكتب من ثمين الحجي واشرف
لاهل بيت الهدى والدين واشرف
من وطى هاي الوطيه
-----

اموت لو اشوفك مع غيري مشيت

واحد قال
-------
اموت لو اشوفك مع غيري مشيت
وافرح بموتك واهلهل وابتشر
--------------------------
وانا اقول
--------
اموت لو ادري محب حب الحسين
زاد عن حبي ولو حتى شبر
احب ابو تراب واهل بيت الرسول
وخل يحبون الصحابه وي عمر
واحد بمكة انولد طاهر نظيف
وواحد بشيبه الصنم سواه تمر
واحد بكتله انحسب حسبة فطيس
وواحد بكتله انحسب ليلة قدر 
واحد موصي الحسن بعده امام 
وواحد الوصاه اربعه صلى الفجر
هاي وين وذيج وين بيا كتاب
نصوص الغاها وكتب سنة عمر
واحد بهمه يجهز بالرسول 
وواحد بصفه كتب صفحة غدر
واحد يفرهد بمال المسلمين
وواحد بخبزة شعير وريجه مر 
انا قتلك هذا تاريخ الاسلام
يمك تهضمه تعوفه انته حر
-----
بقلمي المتواضع
ابو تركي البدري 
9-10-2013