للشهيد الصدر الثاني

شاهدت مقطع للسيد الشهيد محمد محمد صادق الصدر قدس الله نفسه الزكيه
بين محبيه وهو يعطي الدروس ويستقبل الناس ليقدم لهم من مخزونه العلمي ذلك
البحر المتلاطم من علوم اهل البيت عليهم السلام 
فاثار المنظر قريحتي بهذه الابيات البسيطه 
------
هاي وين ايام نورك يا شهيد 
اليوم ظلمه بيها مكسوف القمر
من غبت عنا يبو مؤمل دريت 
الشيعه كلها مهدده بحالة خطر
عكب عينك سيدي استاسد الفار
السعودية وتساندها قطر
كوم جرد سيفك الحك للنزال
رد علي بمحرابه هاليوم انطبر
شوف ابنك سيدي وابن الحكيم
طبوا بدربونه مشبوهة بعهر
كولهم يا سيدي وانته الهمام 
المسأله تحتاج تدقيق وفكر
الامس لطخ بدمك عمود الكهرباء
يريد يقطع روؤسنا مثل الشمر
تقبل البعثي يحكمنا من جديد 
وانته كلت البعث مصدر للكفر
وانته كلت البعث مصدر للكفر
------
ملاحظة - للتوضيح دربونة العهر هنا هو التقارب مع
قائمة متحدون وما يشاع حول ذلك شائعات نأمل ان لا تكون
حقيقة 
بقلم ابو تركي البدري
13-1-2014

اجالبهن واشد جروح بجروح

اجالبهن واشد جروح بجروح
واضمد نزف ذيج بنزف هاي
وتنشدني اعله حالي وعينك تشوف
واضن هاي اشد من عظم بلواي
انترس كأس الصبر دم وطفح غيض
وتسألني واكلك لا جذب جاي
بكثر ما بيك مغرم طفتك اشواط
مثل ما طاف سبع اشواطه الحاي
بشمس تموز تجوي جفوفي الروح
يل روحك بظل وبرد وافياي 
حقك لو كلت تخلص سلامات
لان ماتحس نار التصلي اجلاي
-----
بقلمي

جنت احلم حلم

جنت احلم حلم
--------
جنت احلم حلم تتصافا القلوب
واشوفك يا وطن خالي من الجروح
لكيت اخوان يوسف عدهم حساب
يغطون اعلى سرهم وهو مفضوح
كلهم يا وطن مو يوسف انه 
والله ما يخلي حمل مطروح
هسه تبين الحنطه من الكشاش
وبالك لا تكل للخان مسموح
باجر ثوبهم عار ومذلات 
مثل عار اللحك بالشيخ نصوح
------
الشيخ نصوح مفتي النصرة الذي افتى بقتل اي شيخ يساند النظام السوري
وتم ضبطه وهو يزني بحفيدته 
اجلكم الله

مقطوعة ابو طالب

مقطوعه لبو طالب 

شكـــــبر كلبك يمن شايل جثيره اهموم
وصل صـــــــبرك صبر ايوب لا اكثر
قلــيــل بــحق صفــــــاتك لو يوصفون
لأن اسرار انتـــــــــه وصعــــب تتفسر
لـــــذلك مانوصفك مانسولــــــــف بيك
لأن اسمـــــك عجيــــب بـــوصفه نتحير
الخلـل مو بيك مشرك من حجوهه الناس
السبب معـــروف ابنك والــــــكصد حيدر
قمــــه اعــله البشر تبقه انته فوك الراس
تــحاذر والتعــايل بيــك خـــــــــــط احمر
---------
حب ابو طالب هوية
---------
احسنت 
الكافل واليتيم بعدن صنوان
واضن هذا الحديث يحمل سره
امة هالحقد دخلت متهات 
ولا دلت على المخلوق بعره
اذا تاهت يهودك اربع قرون 
لهسة امة محمد بالمجره
-----
اللهم صل على محمد وآل محمد
ابو تركي البدري

الى ابناء الوطن في جبهات القتال

الى ابناء الوطن في جبهات القتال
----------
بسجن الوطن يا هايمات البين
بعد محد يصد للموت من يخزر
كضيت الوكت بيك الحرامي يحوف
وكضيت الليالي محزم وانطر
التمت بني اميه من فيافي الواغ
وسوينه المكابر بالشفل نحفر
من حوران طكن بيهم الجيلات
وعليهم طيرنه مثل النسر ينكر
من يخطف زلم يشلع عيون الخوف
وعلى ربوعك بجنحه بس ورد ينثر
غم راي الغزاك بشورة ابن سعود
كبل جدهم نزعها من هجم حيدر
احذرك والحذر ثوبك يبو الشردات
لهسه لطكتي بخد العدو تجذر
انه ابن العراق انثلم بيدي السيف
بكد ما جان بيكم من كبل يطبر
مربع جان بيكم آية الفقار
ومل منكم كتل بالمعركة الاشتر
من ام الجمل لام المعارك دين
وبعد بس الهوى باطرافكم يصفر
من جرت جحافل ثورة العشرين
حتى الملك جنه من العرش يطفر
محزم يا عراق من الجبل للفاو
اخذ دوره ابو خليل بيه سياق الموت
واخذ منه اجازة من العمل منكر
بوكت الموزمه يا منكر المعروف
نخلي السماء سجيل تمطر
نخلي السماء سجيل تمطر
-------
ابو تركي البدري
27-1-2014

اضافه
مقطوعه لبو طالب 

شكـــــبر كلبك يمن شايل جثيره اهموم
وصل صـــــــبرك صبر ايوب لا اكثر
قلــيــل بــحق صفــــــاتك لو يوصفون
لأن اسرار انتـــــــــه وصعــــب تتفسر
لـــــذلك مانوصفك مانسولــــــــف بيك
لأن اسمـــــك عجيــــب بـــوصفه نتحير
الخلـل مو بيك مشرك من حجوهه الناس
السبب معـــروف ابنك والــــــكصد حيدر
قمــــه اعــله البشر تبقه انته فوك الراس
تــحاذر والتعــايل بيــك خـــــــــــط احمر
---------
حب ابو طالب هوية
---------
احسنت 
الكافل واليتيم بعدن صنوان
واضن هذا الحديث يحمل سره
امة هالحقد دخلت متهات 
ولا دلت على المخلوق بعره
اذا تاهت يهودك اربع قرون 
لهسة امة محمد بالمجره
-----
اللهم صل على محمد وآل محمد
ابو تركي البدري

وجداني

كضت وي زماني مكالب وكللات 
مثل مكروص حييه ويعض ببهامه 
الناس معيده يمه وبجديد الخام 
وانه عايش معاه بوسط دوامه 
الكافر من يشوف البيه اناه مريت
ينطق بالشهاده ويعلن اسلامه 
كلمن كاملي موزر وبيده سيوف
جن يطلب جتل والعدو جدامه 
الناس مبعثره وصارت عكبنه احوال
وناس مترسات بعوز يسلاله 
اديه مفلتات من يجيه ملهوف
لجن محد بوكت الضيج مر حاله 
يساهر بالليالي شلون هاي وذيج
ومن يصبح سراب الحلم يبراله 
صد من الصخر حظه اوكع للكاع
مطعون برمح لو صابته فاله 
وارد وانهض واكول الحيف يابو الحيف
وثلثين الولد لو طاب من خاله 
وثلثين الولد لو طاب من خاله 
-------
بقلمي 
16-1-2014