علي رأس الهدى والدين والاحسان

---

علي رأس الهدى والدين والاحسان
ونفس المصطفي وتاليه من اهله
علي الفاروق بين الكفر والايمان
علي الصديق الاكبر كلها تشهدله
علي بجرحه جرح للدين والقراءن
واركان الهدى كلها انهدت له
بأت بالخزي ياطقمة البهتان
بسيف الخارجي بالسجده صعدت له
علي بقتله انفقد كل معنى للانسان
وكل جلمة عدل والحق فقد اهله
علي ولوما علي ماجان اكو ميزان
ولا شاخص علامه لربك ارشدله
منه الخارطه والبوصلة تيبان
وبعد المصطفى بالدين رجعت له
باراها السفينه ونجت من طوفان
شما جانت هند للدين حفرتله
مجرد عرقلة وتشتيت للوجدان
وثبت بيت الرساله بقادته واهله
وثبت بيت الرساله بقادته واهله
-----
ابو تركي البدري
28- رمضان- 1434

ضلوعي

ضلوعي عوية الذيبه ولاعن
الوج ولا سكن ضمني ولاعن
الله غاضب ع الطبر حيدر ولاعن
بكل لهجه ولغة فوك الوطيه
-----
دم دمعي يهل ماجف ولا ماي
السعيدي بهاي شاركني ولاماي
الالم بيه بنفسه ما احس ولاماي
آلامه بجرح حامي الحميه 

بجرح حيدر

بجرح حيدر اعزي الناس والدين 
وبيه جروح حيل حملن والدين
لان بالكلب ودهم صار ودين 
وتضاعف من يمر ذجره عليه 

انه بجينات

انه بجينات نسلي والرضاعه
مضغتي جان حبهم والرضاعه
اذا بريت واحد بري ضاعه
اذا اشوفه يتهاون بالقضيه
-----
جرن بينا الليالي بغير ما ريد
وانا الجنت عنهم بعد ما ريد
وهسه صبح للدلال ما ريد
ومهجتي والوصال ابعد عليه 

علي من سار

علي من سار وبسره بسرين
ويدري بحكمة الباري يسيرين
اعداه تحتار واحبابه يسرين
بهواه للموت ومراوه المنيه 
-----
وجد كل شئ العرف حيدره وقدره
وتاه الما عرف كنهه وقدره
احب اللي يحبه انه واقدره
وعلى راسي اشيله من الوطيه

بمهافي

بمهافي يا بنات الحور هفن
العليه من السمه نجمات هفن
فصاحه ودين ابو الحسينين همفن
اذا يكتب شعر من خاض ميه
-------
البيت مستوحى من سورة النجم

باب حطه

لشخصك يا علي نبارك بالافراح
ونهني المصطفى بميلاد سبطه 
هو باب رحمة خالق الكون 
ولامة محمد باب حطه
ابوه الباع دنيا الزيق بالدين
وقدرها بعنزل لا باقل عفطه
من شاف الزلم تبحث عن الجاه
سايرها وصفت اصحاب سلطه
وضل بارى السفينه بغبة الموج
صفى قانون دولي البيده خطه
عهد ه لابن الاشتر بالولايه
اجا كوفي عنان وبيده حطه
اخ بالدين لو مثلك انسان
واذا تظلم تصير عليك ورطه

غير حيدر ما نبايع للممات

---

ما نبايع غير حيدر للممات
والنواصب تحترك باحقادها
احنا امنا فاطمة خير النساء
وهمه لآكلة الاكباد احفادها
بني هاشم كلها من مر العصور
وين ما حلوا بارض اسيادها
وشوف تاريخ النواصب بالبلاد
سم توزع دافته باحقادها
حروب عدل الله بتاريخ الجهاد
حيدر الكرار هوه الكادها
حروبهم تذبح مراسيل السلام
وما تطيعه الغانمه لو صادها
علي راس العامري بيده ويجول
وهند رأس الدين بايد اولادها
الامر من شام المظالم بي قرار
تنفذه اذناب الظلم بغدادها
هذا بالتاريخ مكتوب بوضوح
حقبه سوده تعم جميع بلادها
البصره والكوفه معاقل للطغاة
والغدر بالنبي هوه السادها
يزعل اليزعل ويرضى من خلاه
ميسره زينب ياهو الكادها
-----
بقلمي

شهر رمضان شهر الله والاحسان

شهر رمضان شهر الله والاحسان 
بيه يفيض كل خيره والاحسان 
الاحسن والخبر مفرح والاحسان 
الحسن بيه انولد هاي المسيه 
------
ابارك وافرح واسجد واصلي
خبر هل يوم يا شيعه وصلي
ارتبط قلبي بعشق حيدر وصلي
على طه وابارك اله الهديه 
-----
من الله من رفيع العرش مهداه
انولد رحمه لكل الناس مهداه
اذا جبريل ينزل يهز مهداه 
الحسن هذا وسبط مهدي البريه 
-----
الله يعين آهاتج يزهره 
على الكونين صار ابنج يزهره
اذا تدرين حر السم يزهره
يفت جبد الحسن من آل اميه 
------
نريد الفرح ونطعمه بالاحزان
يشيعي ارجوك شاركني بالاحزان
هاي ام الحزن زينب بالاحزان 
الحسن مسموم وضلوع الزجيه
----
فرض يفرض علي حزنه بالافراح
وزماني ما سمح مره بالافراح
ياهو يبادل المجبل بالف راح 
والف مجبل والف حدر الوطيه 

عذابات صعصعه

عذابات صعصعة مكتوبة 

أَلا مَنْ لِي بِأُنْسِكَ يَـا أُخَـيَّ وَ مَنْ لِي أَنْ أَبُثَّ كَمَا لَـدَيَّ



طَوَتَكَ خُطُوبُ دَهْرٍ قَدْ تَوَالَى لِذَاكَ خُطُوبُهُ نَشْـرَاً وَ طَيَّـا
فَلَو نَشَرَتْ قِوَاكَ لِـيَ المَنَايَـا شَكَوْتُ إِلَيَكَ مَا صَنَعَتْ إِلَيَّـا


بَكَيْتُكَ يَا عَلِـيُّ بِـدُرِّ عَيْنِـي فَلَمْ يُغْنِ البُكاءُ عَلَيـكَ شَيَّـا
كَفَى حُزْنًا بِدَفْنِـكَ ثَـمَّ إِنـي نَفَضْتُ تُرابَ قَبْرِكَ مِن يَدَيَّـا


وَ كَانَتْ فِي حَيَاتِكَ لِي عِظَاتٌ وَ أَنْتَ اليومَ أَوْعَظُ مِنْكَ حَيَّـا
فَيَا أَسَفًا عَلَيْكَ وَ طُولَ شَوقِي أَلا لَـوْ أَنَّ ذلـك رَدَّ شَـيَّـا
وَ لَو سَمِعَ الرَدَى مِنِّي نَشِيجِي لَمَا نَـزَلَ الـرَدَى إِلَّا عَلَيَّـا


أَلا مَنْ لِي بِأُنْسِكَ يَـا أُخَـيَّ وَ مَنْ لِي أَنْ أَبُثَّ كَمَا لَـدَيَّ


أَبَا حَسَنٍ مَكَانُكَ فِي ضُلُوعِي و دَمْعِي يَمْـلَأُ الأَبَـدَ العَتِيَّـا
إِلَيْكَ أَحُنُّ مَا ذَرَفَتْ عُيُونِـي وَ ذِكْرُكَ مَرَّ فِي خَلَدِي نَجِيَّـا


يُعَذِّبُنَا البُكَـاءُ مَتَـى بَكِينَـا وَ مَا عَرَفَ البُكَاءُ لَكُم ْ سَمِيَّـا
وَ لَوْ كُثْرُ الدُمُوعِ يَـرُدُّ مَيْتًـا لأَرْجَعَتِ الدُمُوعُ لَنَـا عَلِيَّـا


بِرُوحِكَ إَنَّنِي عَلَّقْتُ رُوحِـي وَ لا زَالَتْ إِلَيْكَ تَضُّـجُ فِيَّـا
فَخُذْهَا فَابْنُ صَوْحَانٍ عَطِيـشٌ لِيَرْوِي مِـنْ مُحَيَّاكُـمْ مُحَيَّـا


أَلا مَنْ لِي بِأُنْسِكَ يَـا أُخَـيَّ وَ مَنْ لِي أَنْ أَبُثَّ كَمَا لَـدَيَّ


أَلا يَا أَوْعَظَ الفُصَحَـاءِ نُطْقًـا جَزَاكَ اللهُ خُـذْ بِيَـدِي مَلِيَّـا
أَمِثْلُكَ مَنْ يَمُوتُ وَ أَنْتَ مَـاءٌ وَ كَمْ رَوَتِ الثَرى قَدَمَاكَ رَيَّـا


جَنَائِزُ أَدْمُعِي نَدَبَتْـكَ حُزْنـاً وَ خَرَّتْ فِي جَنَازَتِكُـمْ بُكُيَّـا
أُصَلِّي فَوْقَ نَفْسِـيَ ذَاكَ أَنِّـي أَنَا المَيْتُ الذِي حَسِبُـوهُ حَيَّـا


وَ عَيْنِي مُصْحَفٌ لَو جِئْتُ نَاعٍ بِهِ أَنْعَـى الوُجُـودَ الآدَمِيَّـا
تَأَسَّفَتِ الحَيَـاةُ عَلَيْـكَ لَمَّـا رَحَلْتَ وَ وَدَّعَتْ بَحْرَاً نَدِيَّـا


أَلا مَنْ لِي بِأُنْسِكَ يَـا أُخَـيَّ وَ مَنْ لِي أَنْ أَبُثَّ كَمَا لَـدَيَّ


عَلِيُّ وَ رُوحُ صَعْصَعَـةٍ تُلَبِّـي مِنَ البحرينِ يَـا قَمَـرَ الثُرَيَّـا
أَنَا سَاقِ جُيُوشِكَ يَـا وَلِيـي وَ خِدْمَةُ جُنْدِكُمْ شَـرَفٌ إِلَيَّـا


لَئِنْ وَلَّيْتَنِي فَسَـوَاءُ عِنْـدِي سَأَمْـلَأُ كُـلَّ نَاحِيَـةٍ عَلِيَّـا
هَوَاكُمْ يَا عَلِيُّ شَبَابُ رُوحِـي وَ إِنْ هَرِمَ الزَمَانُ بَقَـى فَتِيَّـا


وَ فِي البَحْرَينِ جُرْحُكَ يَا حَبِيبِي أَخَـاطَ الدَمْـعُ مِنْـهُ مُقْلَتَيَّـا
بِنَفْسِي مَنْ أَعَزَّ الدِّينَ صِدْقًـا وَ مَنْ قَدْ صَدَّقَ الهَادِي صَبِيَّـا


أَلا مَنْ لِي بِأُنْسِكَ يَـا أُخَـيَّ وَ مَنْ لِي أَنْ أَبُثَّ كَمَا لَـدَيَّ

من الابداع صف

احسنت ابو علي على هذا الوشاح
او السلسلة التي يفترض يزدان بها 
صدر كل شاعر شيعي يتذوق الشعر
الولائي
------
من الابداع صف شعرك من الدر
بيه اثمن ثمن واغلى من الدر
تدور النادر وتســـــبك من الدر
كلايد بالشعر لاجل الزجيه 
----
عسى ما ظل عدل فكرك ورايه 
خذت منهج علي غايه ورايه 
سبك تمشي وتكول امشوا ورايه
للكوفه القصد يل الجعفريه 

ارياكك بالصلاة

ارياكك بالصلاة عليه بلها
الختم لفظ الجلاله عمد بلها
الناس الماتعرفك علي بلها
وبلهها لصقر وداها هديه 
---
عجب من ينكر بكل راس عينين
اسمه اعور الفاجد احد عينين
علي العين اتجدد بيه عينين 
عين اسمه من اسم رب البريه 

يمه كل بري ومسكوم يبره

يمه كل بري ومسكوم يبره
على الله الشيعي بهل الحال يبره
طلع صلى الفجر والموت يبره
انهد ركن الهدى يل الجعفريه

حزن زينب

---

حزن زينب ولا يوسف يحزنه
بكل حزة فرح فجاءه يحزنه
نحس حزة قفا بسفه يحزنه
مثل نحر الحسين بهل القضيه
----
وحق الحق وما يرسل من الحق
علي وجهين اله بوجهه من الحق
عليك تميز الباطل من الحق
العدو شاري وهو باع الدنيه
-----
على الله باع ما يملك علينه
اجه الثالث بترتيبه علينه
تشهد وتعرف منزل علينه
وعمى الماشافه بهاي القضيه
-----
الجماعة من يذكروا النبي اصلعه
صلاة الهم على المختار صلعه
اتباها براس اختها تريد صلعه
مسواك مشط ياكبر غبيه
-----
نهى وينهى ويكلهم هاي بتره
بتر ساك التعمد دوم بتره
الصلاة اعله النبي من الحقد بتره
لان جلمة علي كلش قويه

يا طير السعد

يا طير السعد من سعد وكراك
وابد ما طير حايم فوك وكراك
وكع ما بين كومة عصي وكراك
ونعك غربان باطرافه العذيه 
-----
نهم ونريد نقنع من تهمنه
واكبر شرف شيعه من تهمنه
يبو الحسنين تدري منته همنه
نهم بشيعتك اكبر قضيه 
-----
بينه جر زمنـــا بكثر جــــــــــراي
ودمنه من السقيفه صبح جراي
يجيوش الامام العجل جــــــراي 
اله ثارات بمصــــــاب الزجية
------

يا عجيبه

يا عجيبه الما بدت مثلج عجيبه
ناس وصاها النبي بحب عترته
بعده امدد على فراشه وطريح
تسابقت يم السقيفه وغدرته
اول احكام السقيفه الجائرة
صادروا نحلة فدك من بضعته
وثاني اجرام بحق بيت النبي
عصروا الزهره وابنها سقطته
والله لولا هالوصية من الامين
جا نزل سابع سمه وحب تربته
تدري بيها اصحابه بنقل البنات
فاتت لحيد الرجال وكادته
وهمه يدرون بضربته بالاحزاب
تعادل الكون بجميع عبادته
طفح بيه الكيل من شاف النفاق
دنوا الها جملها وركبته
وكادها وبارى السفينه لا تميل
على ثلث حروب هوه وصحبته
كلما يخوض اقمارها ويظهر سليم
منتظر يوم الشهاده بدمعته
بتسعطعش رمضان لن رأس الشقا
من سجد لله مكن ضربته
صاح صيحه من الفرح سيد البشر
فزت والكعبة وفازت شيعته
فزت و الكعبه وفازت شيعته
------
ابو تركي البدري
12-رمضان-1434

جعل يجعل

جعل يجعل الباري من عباده
واله الخيره بحكمته من عباده
لون رايه يتحقق من عباده
جا تاهت على الناس القضيه
-----
لكل مرسل وصي يتلاه بعده 
يبين بيه كل الدين بعده
من كال النبي واعلنه بعده
اجوه وبخبخوا اهل الرزيه 
----
علي الاول مباشر بعد طه
برجله لكل فلول الشرك طه
على البيت اصعده للجتف طه
ويكله اشمر صنمهم للوطيه

احس كعدتك

احس كعدتك ورده من يملها
وروحي تجد شعرك من يملها
الجلمه طبع ناقه من يملها
تجد بيها الوضح والشعل هيه
----
شكر ما يكفي لشخصك والاعذار
وما اقبل تواعدني والاعذار
الرسن بيدك وحديد الها والاعذار
وسرجها من حرير وبيه زهيه 

احس روحي

احس روحي تنز من كولت العود
لانها للمفارق نده وك عود
انا وياك مو عودين فد عود
انسكا وخضر بحب حامي الحميه
-----
يا علي
------
علي بخيبر علي بخندق بالاحزاب
علي البصره شهدت حربه بالاحزاب
علي بالنهروان ابدع بالاحزاب
علي بصفين رواهم منيه
------
علي للمارق وناكث وقاصط
علي محزم على جوعه وقاصد
جديده دوم للخادم وقاصد
على لروحه لبس ثوب البليه
-----
علي جنة علي جوري علي نار
علي جنه بطلب علمه على نار
علي جوري لكل معدم على نار
علي نار الله الباد اهل الرزيه
----
ترى من باب ذكرّ نمدح الحيد
يا باب العلم يل محتوي الجلمه
علي فوق المعاني وجلمة الزين
اذا شق له الجليل حروف اسمه
علي لحضرة محمد جان هارون
ومحمد جان للكونين رحمه 

-----

بقلمي

وحق من بيه وحي

وحق من بيه وحي السمه يتلو
شفت تالي بمعاني العلم يتلو
محمد مرسل وليه علي يتلو
وصي منّصّب بامر رب البريه
-----
منهو الكال حيدر صار رابع
وهو بالكساء من دخل رابع
باعه على كل البوع رابع
وتطخ رؤس الزلم لو لمع ضيه

يثوب الصبر

---

يثوب الصبر كلي شبيك شبلاك
جم فانوس من هالدرب شبلاك
تكل للعسكري جاوين شبلاك
نريد الثار لاجل ابن الزجيه
----
يهل وادي طوى بالخيف لو هان
وثار الكم تطالب بيه لو هان
النهر بنت النبي من اجت لوهان
شخصها المحكمة تريد القضية
-----
ادري البيك من الصبر يكفي
لون منك جواب الوصل يكفي
على ركوب السوابج ركض يكفي
تغير من النجف للغاضريه

تكول من الصديج الياخ ما هد

تكول من الصديج الياخ ما هد
وانه بغير شلفه ورمح ما هد
وحق من بطن مكه الكاع ماهد
اجيلك زحف من تخون الرجل بيه 
----
عند عين الصديج بميل حمله 
واسوي من الشعر وياه حمله
على سبعين محمل خير حمله
واثبتله البدور اهل الخويه 
----
على وادي محبة علي مسراي
ويهل وادي طوى عنيت مسراي
بعد قوجي على الطيبين مسراي
واطارهم شعر لاجل الزجيه

مداره انشد شهرنا ووكع همه

مداره انشد شهرنا ووكع همه 
المثلث راح ضلعه وكع همه
عليه احزن لان ما شيل همه
احس بروح والريحان ليه 
-----
عسى ينعاد شهرك من جديده 
وتلبس ثوب صحتك من جديده
عتيق الصوف افضل من جديده
الشباب الشردوا بهاي القضيه
-----
يوالمني المثل شخصك واحبه 
يذوب بحب ابو الزهره واحبه
مثل حبــه انبتت سبعمئة حبه 
وعلى سوقه استوى واعجبك ريه

صفالي من الوكت

صفالي من الوكت ساعات وايام 
وعاشرت البدو والعجم واليام 
للبر والبــحر خاويــــت واليام 
من الالفين واحد صفى ليه
----
على حب الوصي وصيت ولداي
وبيه يبرى الالم والعجز ولداي
اله ولاهله معاجز شفت ولداي
بحمدهم ما لحقت الصار ليه 

لابن العسكري عيني رجيبه

لابن العسكري عيني رجيبه 
ومر من الوكت يا خي رجيبه
كل واحد واله واحد رجيبه
على الجتفين تدري املاك ليه
----
علي الدر المصفى والعداله 
بيه الدين كله والعداله 
ياهو الصار مثله والعداله
اهو بس النبي ونفسه سويه
----
علي جوهر لكل جوهر والاحجار
بيده هدم عزتهم والاحجار
لح بيها شمر بيده والاحجار
حطمها الوصي بايده الزكيه 

المحاورة الثانية مع ابو علية السعيدي

ابو علي السعيدي;الاخ ابو تركي البدري
اخويه باسم الله والصلاة عل محمد وال محمد
والى سيدي الكونين ووصي رسول الله الامام علي ع اقوللذنا بقبرك والقبور كثيرتا..ولكن من يحمي الجوار قليل
ابو تركي

------
يا علي كول وتهون الشده - تنحل العقدة ويطول لسانك
هاي وكفات الفحل من تنده - تنسب من شيعته عنوانك
ابو علي

-----
بكلبي مستعر ناره..وجارك
غيره منهو بالشده..وجارك
ابدا لاتخاف من دنيه..وجارك
علي بو حسين حماي الحميه 
ابو تركي
-----
رذاذ المن على كلبك وسلوى
علي هوه الك ملجا وسلوى
سل عاقل وسل جاهل وسل واه
الكل يخبرك بيه الحميه
ابو علي

-----
ابد ماخاف من وكتي..علي جار
وادري كل شي امقيد..علي جار
اخاف شلون واكبالي..علي جار
ابو الشدات حماي الحميه
ابو تركي
------
علي اخ النبي وصهره وجاره
باحد وبغيرها يندبه وجاره
فهم وايمان متروسه وجاره
وعلي هوه شفيع الجعفريه

ابو علي

------
لون مر الدهر يكصي..ولك جار
تحمل مايجي منه..ولك جار
ابدا لاتخاف تاليته..ولك جار
علي الكرار سيف الله ونبيه
ابو تركي
-------
قصى لو ما كصى وللشوج جرك
خلك وي علي لو سبع جرك
لون لاجك وست مرات جرك
يتفلك علكمه بريجه واذيه
ابو علي

----
الدمع ينزل على حيدر..وجاري
وعرف ماينزل بحقه..وجاري
اموت اهناك والدفنه..وجاري
حيدر ياعلي الموته هنيه
ابو تركي
-----
الدمع والبجي والدك ما يكفي
ولوني وذر صاير ما يكفي
يعيني افديج الهم ماا يكفي
انه واهلي وجميع اعلى الوطيه
ابو علي

-----
اريد اكصد لحامي الدار..والجار
ولا أجلهم دفع نتحمل..والجار
الظلم مولاي اذانه..والجار
اريدن فزعتك حامي الحميه
ابو تركي
------
خب القوج كونك كبل ما خاب
للي بالنجف من جاه ما خاب
التبع عدل الكتاب بدين ما خاب
واله بالاخرة الجنة السعيه

تحيات
اخوكم
ابو علي السعيدي
------
الاخ الغالي ابو علي السعيدي
ارجو ان تكون بخير يا غالي
----
بدا العد يتنازل من شهرنا
وكضينا ايام حلوه من شهرنا
اذا ربك جعلنا من شهرنا
القادم بربوع الناصريه

يكول ابو تركي بتهذيب الجواب

[qu

ote=ابو علي السعيدي;77578]تسلم ابو تركي خويه
اشويه اريد اضحك وياك
بس اكول هم كلبت عالهوسه
ههههههههههههههههههههههه
والان اقول



حمول الخيل اهلنا وبالمضايف هيل
ونرفع حمل اخونا من يريد يميل
يتساون بينا ايام الشتاء وسهيل
وما نطيش ميله لليريد يعيل


مشينه الدرب كله ومايهمنه الليل
ونشيل احمول اخونه لون حمله ثكيل
ونرد العايل ال بينه من يريد يعيل
ونكصه الجف العالت بينه

تحيات
اخوكم
ابو علي السعيدي[/quote]


لا لا ابو علي انا ما كلبت على الهوسه
هاي للمداعبة وقد اجبت على كل بيت كتبته
انت واحببت ان تكون انت البادي وانا المجاوب
لانك قدمت ما فيه الكفاية من الاجوبة على ابياتي
والدور عليك ان تكتب وانا اجاوب وشد حيلك
----------
يكول ابو تركي بتهذيب الجواب
----------
هات ما عندك وانا مني الجواب
يل تريد من الابيات اعذبها
ابداء انته وهات من فصل الخطاب
والمعاني تكشف الكاتبها
هددتني واليهدد ما يهاب
يثني الركبه على عاجبها
صدك انته الرايد بيوت الثواب
والمعاني الناجحه طالبها
هات ما عندك وابشر بالجواب
ودلة الشعار انا شاربها
وجان تهيت اليدي تلكا سراب
ذب رسن الكحيله على غاربها
الساحة لاهل الشعر تزعل بالعتاب
والفرس غثها رجب صاحبها
صيح يا خيال ونكمل النصاب
انعقدت الجلسة وحضر كاتبها
كول باسم الله وافتح لي كتاب
استاذها انته وانا طالبها
هاي بس همسه باذن اغلى الاحباب
الجان شاريها وتحب صاحبها
-------
ولك اجمل وارق الادعية بالتوفيق يا ابا علي

من محاورة مع الشاعر العملاق ابو علي السعيدي

الاخ ابو تركي البدري خويه وينك كلبت عالومضه شنو ؟خلينه بالابوذيه لاان العنوان ابو ذيه من نخلص من الابوذيه شهر رمضان نبدي ومضه وكل شي تريده؟ بعد مااتركك لو اني اشرد لو انت تشرد ؟ههههههههه انه الياظيم احجيلك...وعد لك وربك كاتب بسجله...وعد لك كظيت العمر ابرالك....وعدلك وادليك الدرب وترد عليه ابو علي ----- ابو تركي زماني بســــاعة التوقيت عدلي وتشوف الناس مايل دوم عدلي حويت ذنوب منها انترس عدلي نخيت الحيدره يفزع اليــــــــه  ابو علي خذت مني الليالي اهواي...عبرات وكمت بيدي اسد للناس...عبرات ماادري ياروحي البــعد...عبرات مسافة ميل والباقي اذيه ------ ابو تركي عونه الاخذ من هل الوكت عبرات وزمانك بيه جثير اشكال عبــــرات بمصاب اهل الكساء مخنوك عبرات تهون كل مصيبه تمـــر عليـــــــه ----------- ابو علي طفل كلبي عل الخوان ...يدراي غشيم ومااظن بالحال...يدراي العليل وعلته ياناس...يدراي كلام الناس والهم والاذيه -------- ابو تركي كضبت عدس للما درى يداري ثجيله الرجل للما عرف يدراي وصرت مثل مصاب بمرض يداري اتعوذ لابتي من تمــــر عليه ابو علي اون وعلمـــــــيت الاهل....ياون وصرت رحه ولعد الناس...ياون المصايب بس علي يخوان...ياون لكن فيهن ضخين اختلن بيه ---- ابو تركي ونينك غناء من تصفن لوني الليالي لوية المغزل لوني طحت من عيطا انه لوني ما املك صبر واعزوم بيه  ابو علي شهد تدري بحلاوة ليـــــل...مراك هنياله الفزع فد يــــــــــوم...مراك عل اضلوعي الزمان وداس...مراك جفني وحيد اعملن بيه ----- ابو تركي عسل بالحلك يابن الناس مراك وعبرت ذاك الراك من راك ما يوكع جسر منصوب من راك طبع كهوة تزين من المنيه  تحيات اخوكم ابو علي السعيدي

ونعم منك ابو علي لكن ان شاء الله نكون متكافين
والشردة لا هي الكم ولاهي النا
------
حمول الخيل اهلنا وبالمضايف هيل
ونرفع حمل اخونا من يريد يميل
يتساون بينا ايام الشتاء وسهيل
وما نطيش ميله لليريد يعيل
احنا الرحلنا اشقرها ومات بجزة ميش

اخوك ابو تركي البدري

20-7-2013

اون مثلك

اون مثلك على ونهم لونه
ونريده ينشـر الرايه لونه 
ابن العسكري يظهر لونه
بقى بس من هاي الدنيه 

الزاد بلا ملح

الزاد بلا ملح باهت وامله 
لزمها الكال انه وانه ومله
كتب دستورهم اعرج ومله
رغبته الكاكا عليه 
-------
وبعد ما احجي 
هههههههههه
-----------
عليك الدمع جاري يصب يحسين
وعسى ربك بما احسنت يحسين
ياهو الكال انه بصنعته يحسين
غيرك يا ابن حامي الحميه
-----
جرن مني سواجي العبر وتصب
وتظل روحي اله تنتظر وتصب
متى يركبها ابن الحسن وتصب
جيوشه حمم فوك جيوش اميه 
----
بدن وابديت حسراتي من الهم 
وبيادر صارن همومي من الهم
تضن يفتل اذا اجثر من الهم
صبر بلكن تهيد النار بيه 

ومضة

ومضة
------
صلف بيهم تجاوز كل الحدود
سياسين المناصب والكراسي
انتخبناهم حسبنا العدل موجود
طلع ماكو عدل والوكت قاسي
------
جويت ابهام جفي وكلت ما عود 
ختلني وكال اخوك يريد فزعه
استحيت وتدري بينه الحيا موجود
ردت رايه يبين حتى اتبعه
طلع عاشق كراسي وهمه الفلوس
لان بيه ساس بعثي وهذا طبعه

تدري لا ملك ينفع

تدري لا ملك يغني ولا افاد
وكضوها بين حج الهم ولافاد
تعبنا والتعب حسفه ولا فاد
سياستهم سياسة آل اميه

علي وكتي

علي وكتي يدكني بايد هاون
هاه ابجي على ما جرى هاون
جعل مني لوادي الشعر هاون
على النايل وعتابه وابوذيه
-----
بسك يا زمن مطلوب وفيت 
قستها قياس انه بمتر وفيت
طلعت اطلب الكلي وياي وفيت
بقت يم غيرته وصعبت عليه 
-----
ركضت ركض الوحش بالبيد هايم
وكضى عمري عن هالوطن هايم
عبالي ابني واثاري البيت هايم
ترست الغرب كلها هموم ليه 

احوالي شرد اوصفهن

احوالي شرد اوصفهن جواهن
نحلني الجوى واشتدن جواهن
قدوري دوم انه اوجد جواهن
وافزع لليطفيهن اليه 
-----
لامير المؤمنين عليه السلام
-----
سر بينا نحبهم من زغرنه 
ارضعنا بحب علينه من زغرنه
ابونا شجان يحجي من زغرنه 
يكل النه علي راعي الوصيه 
----
لامواتنا وامواتكم 
-----
اقراء ام الكتاب الهم وهدها 
وبعدهم نحل احوالي وهدها
العليا ما جزت عنه وهدها
عصامي اوصل بيها للمنيه