انه احس بنشوة واسكر من اشوف
ابداع شاعر بالوصف لمن وصف
صدق بي احساس ويوصف الجمال
امس شفت عيون بس الله لطف
لوما شايب والعرف يمي جثير
وخايف يكولون حجينه استخف
جا سألته ويين اهلك يا غزال
بس خذتني خجله ولساني وكف
صدك ضليت بمكاني ومامشيت
لان احس كل شئ من يمي انخطف
لا عكل لا لب لا حس لا صواب
بكت لشه اوكافه وجف اعله جف
احس بي الكون مفتر بالعكس
مدري كسفت شمسي لو كمري خسف
هاي حاله وما تمر كل الشباب
ولو تمرهم ما بكه بر بالنجف
يعني معقوله اللي شفته لو خيال
من بدع شاعر قمه بالشرف
وحق رب البيت ما مرني الغزال
ولا شفت احد ولا عكلي وكف
ردت امازحكم واسوي المستحيل
واصنع ابيات واغلفها بخصف
معذره منكم يطراد الغرام
اخذوا البرحي وردولي الحشف
-------
بقلمي
ابو تركي البدري
30-6-2013
ليست هناك تعليقات:
إرسال تعليق